政府之前公布咗2022年會有17日公眾假期,有3個紅日撞正星期六都不設補假 Oh no….. 所以各位打工仔更加要早啲plan定mark實個好日,唔好俾同事先搶一步啦!

廢話唔多講,快啲拉落去睇!

 

  1. 2021年聖誕+元旦(請4日放9日)

聖誕節12月25日同元旦1月1日均係星期六,即係少咗兩日假,不過12月27日星期一係聖誕後補假,如果想提早收爐放個長假,可以請星期二至五,足足放9日假!

 

  1. 農曆新年(請2日放9日)

農曆年初一至初三(2月1日至3日),係星期二至星期四,只要請1月31日(一)及2月4日(五),就可以同之前及之後嘅周末相連,自製9日長假。

 

  1. 清明節(請1日放4日)

清明節係4月5日(二),如果請4月4日,就可一次過由4月2日(六)開始連放4日。

 

  1. 重陽(請1日放4日) 

雖然國慶係10月1日(六),未能補假,但重陽係10月4日(二),大家只需喺10月3日(一)請假,輕易打造4天假期。

 

  1. 平安夜、聖誕節、2023年元旦(請3日放10日)

僱員可擁有嘅假期為12月24日(六)平安夜、12月25日(日)、聖誕節後第一個周日 12月26日(一)、聖誕節後第二個周日12月27日(二)、12月31日(六)、元旦2023年1月1日(日)、元旦翌日1月2日(一)。

只需請12月28日(三)、12月29日(四)、 12月30日(五)呢3日,就可一次過放10日!

 

 

另外以下係唔洗請假都有嘅連假:

  1. 復活節(請0日放4日)

4月15日(五)耶穌受難節、4月16日(六)耶穌受難節翌日、4月17日(日)、4月18日(一)復活節星期一。

 

  1. 勞動節(請0日放3日)

勞動節為星期日,因此翌日5月2日(一)訂為補假。

 

  1. 佛誕(請0日放3日)

同樣,佛誕係星期日,因此翌日5月9日(一)訂為補假。

 

  1. 端午節-請0日放3日

端午節係6月3日(五),可以與星期六、日相連放假。

 

  1. 香港特別行政區成立紀念日(請0日放3日)

7月1日(五)回歸,可以與星期六、日相連放假。

 

  1. 中秋翌日(請0日放3日)

中秋節翌日係9月11日(日),故中秋節後第二日9月12日(一)將訂為補假,連放3日。

 

***以上適用於5天工作人士

 

想放個長假唔難,不過疫情下可唔可以去到旅行就未知。趁呢個機會大家亦可發掘一下本土遊,香港其實好靚!

 

 

***本文內容及資料只供參考,有關資料的準確性請根據政府最新條例為準,本公司不代表任何法律意見。

***如需轉載文章或內容,請先聯絡我們或附上本文連結,並標明轉載來源。